Токтобек Асаналиев, ырчы: "Маданият кызматкерлеринин көчөгө өз укугун коргоп чыккан гейлерден эмнеси кем?!"

Бүгүн, 4-апрелде Азамат Болгонбаев, Токтобек Асаналиев, Алтынбек Максүтов, Олжобай Шакир, Зайырбек Ажыматов, Аалы Туткучев өӊдүү чыгармачыл адамдар “Кыргызстанга маданият керекпи?” деген суроонун алкагында журналисттерге маалымат жыйын өткөрүштү. Алар бийликтегилердин маданиятка болгон кайдыгер мамилесин айтып, нааразычылыгын билдиришти.

“Биздин комузубузду эч ким токтото албайт. Жан талашып турган заманда маданиятка көзү түз эмес адамдар келип жатат. Көчөгө өз укугун коргоп чыккан гейлерден кембизби, жан күйгөндөн айтасың бул сөздү. Кимдин акысы бар, маданиятка балта чаап, аны жок кылганга?! Эгер маданият колго алынса, биз айылдагы клубдарга чейин барып, жан үрөп иштегенге даярбыз”,- дейт бүгүнкү жыйындын катышуучуларынын бири, ырчы Токтобек Асаналиев.