Кыргызстандык жаш шахмат чеберлери Азия чемпиондугунан 5 медаль жеңип кайтышты

Кыргызстандык окуучулар Индиянын Дели шаарында өткөн шахмат боюнча VIII Азия чемпиондугунда 5 медалга ээ болду. Чемпиондукка 5, 7, 11, 13, 17 жаштагы балдар катышып, Кыргызстандын атынан 13 спортчу барган. 17 жаштагы катышуучулардын ичинен Мырзагүл Сыдыкова рапид, блиц-мелдеш жана классикалык шахматта жалпысынан 3 күмүш медалга ээ болсо, 7 жаштагылардын арасынан Азалия Мирлан Кызы коло медалга татыган. Ал эми 13 жаштагылардын арасынан Чыңгыз Исаев 3-орунду багынтты. Чемпиондук 11-21-декабрь күндөрү өтүп, ага жалпысынан 416 спортчу катышкан. Кошумчалай кетсек, былтыр Кыргызстан Азия чемпиондугунда бир гана коло медалга ээ болгон.