Депутаттар Башкы прокурордон эмне үчүн Садыр Жапаровду кол тийбестигинен ажыратуу сунушу шашылыш жөнөтүлгөнүнө кызыгышты

"Тергөө материалдары жетиштүү чогултулса, депутатты кол тийбестиктен ажыратууга сунуштаманы качан, кайсы маалда жөнөтүштү башкы прокурор өзү билет". Бул пикирди башкы прокурор Аида Салянова ЖКнын 26-декабрдагы жыйынында билдирди.

Анын айтымында, Садыр Жапаровго байланыштуу кылмыш иши былтыр эле козголгон. Ал эми депутаттын ал ишке катыштыгы бар экени сентябрь айында билинди. Айта кетсек, Аида айым бул сөздөрдү депутат Бакыт Төрөбаевдин "Садыр Жапаровго байланыштуу иш 17-сентябрда козголсо, эмне үчүн шашылыш түрдө 18-сентябрда аны кол тийбестигинен ажыратуу тууралуу сунуш жибердиңиз?" деген суроосуна жооп катары билдирди.