Бактыбек Аманбаев: “Адам укуктары үчүн күрөшүү – улуу миссия”

Акыйкатчы Бактыбек Аманбаев бүгүн, 7-апрелде 2010-жылкы Элдик революциянын 4 жылдыгына карата кайрылуу жасады.

“Урматтуу мекендештер! Элибиздин мыкты уулдары үй-бүлөлүк, кландык башкарууга каршы чыгышып, чыныгы эркин жана демократиялык коом курууга мүмкүнчүлүк берген күнгө 4 жыл толду. Адам укуктары үчүн күрөшүү – Акыйкатчы институтуна коомчулук жүктөгөн улуу миссия. Өлкөсүнүн жаркын келечеги үчүн өмүрүн бергендерди ар дайым эстейбиз” деп башталган кайрылууда 7-Апрель окуясынын терең мааниси белгиленет. 

Бүгүн өлкө боюнча 7-Апрель окуясынын 4 жылдыгы белгиленүүдө.