Эртең Бишкектин айрым райондорунда электр жарыгы өчүрүлүп, "акылдуу" эсептегичтерди орнотуу улантылат

Эртең, 8-апрелде №200-трансформаторундагы оңдоо иштерге байланыштуу саат 9:00дөн 17:00гө чейин Жибек Жолу, Күрөңкеев, Школьная, Осмонкул көчөлөрүндө электр жарыгы өчүрүлөт. Бул тууралуу "Түндүк электр" ишканасынын басма сөз кызматы маалымдады.

Ошондой эле саат 9:00дөн 17:00гө чейин Ак-Өргөө конушундагы (Айдың-Көл, Жолон, Чамгарак, Саадак көчөлөрүндө), Алтын-Ордо конушундагы (2, 3, 4, 5, 6, 7-көчөлөрдө), Кара-Жыгач конушундагы (Дордой көчөсүндө), Ала-Тоо конушундагы (Арчагүл, Жоон-Дөбө, Бакыян, Тимур Фрунзе, Ахунбаев көчөлөрүндө) "акылдуу" эсептегичтерди орнотуу иштерине байланыштуу аталган аймактарда электр жарыгы убактылуу үзгүлтүккө учурайт.

Учурда Бишкектин жаңы конуштарына 16 837 "акылдуу" эсептегич орнотулду.