“Ата мекенчи” депутат коррупция менен күрөшүү боюнча ар бир органдын ишин өзүнчө кароону сунуштады

Парламенттин Коррупцияга каршы күрөшүү комитетинин 7-апрелдеги жыйынында депутаттар укук коргоо органдарынын 2013-жылдагы ишмердүүлүгүн талкууга алышты. Депутат Туратбек Мадылбеков коррупция менен күрөшүү боюнча ар бир органдын отчётун өз-өзүнчө угууну сунуш кылды.

“Бажы кызматын карашыбыз кажет. “Текшердик, коррупциялык схемалар табылган жок” дейсиңер. Биз миллиарддаган чыгашаларды табабыз. Акчалар каякка кетип жатканы белгисиз”,- деди депутат өкмөт өкүлүнө.