Парламент: Айымдарды сойкулук ишке тарткандарды 5 жылга эркинен ажырата турган мыйзам долбоору 2-3-окууда жактырылды  

Парламенттин Конституциялык мыйзамдар, укук тартиби жана кылмыштуулукка каршы күрөшүү комитетинин 8-апрелдеги жыйынында айымдарды сойкулук ишке тарткан жарандардын жоопкерчилигин күчөтө турган мыйзам долбоору 2-3-окууда жактырылды. Демилгечи депутат Кожобек Рыспаев мыйзам долбоору боюнча сунуштар болбогонун билдирди. Ага ылайык, күч колдонуу же коркутуу, опузалоо, мүлкүн жок кылуу же алдоо жолу менен айымдарды сойкулукка тарткандар 3 жылдан 5 жылга чейин эркинен ажыратылат. Ал эми мындай иштер уюшкан кылмыштуу топ тарабынан жасалса, алардын мүлкү конфискацияланып, өздөрү 5 жылдан 8 жылга чейин кесилмекчи.