Министр Алиясбек Алымкулов мурда эскертүү болгонуна карабай ант берүүдө бир сүйлөм кошуп айтты

Эмгек, миграция жана жаштар министри Алиясбек Алымкулов мурда эскертүү болгонуна карабай бүгүн, 9-апрелде парламентте ант берүүдө текстке бир сүйлөм кошуп айтты. Министр сөзүн "бисмиллахир рахманир-рахим" деп баштады. Мурунку өкмөттүн ант берүү аземинде да Алымкулов сөзүн ушинтип баштап, айрым депутаттар "ант берүүнүн тексти маанилүү расмий документ, ага ашыкча сөз кошууга болбойт" деп нааразычылык билдиришкен эле.