Таласта көп кабаттуу үйдүн чатыры кулап түшүп, автоунааны зыянга учуратты

7-апрель күнү ылдамдыгы 15-20 метрге жеткен катуу шамал Талас шаарынын Манас көчөсүндөгү 5 кабаттуу үйдүн жана Сарыгулов көчөсүндө жайгашкан турак үйлөрдүн чатырын учуруп кеткен. Бул тууралуу бүгүн, 9-апрелде Өзгөчө кырдаалдар министрлигинин Талас облусундагы бөлүмүнүн басма сөз кызматы маалымдады.

Көп кабаттуу үйдүн шифери Манас көчөсүндө жашаган Аскат Атайбековдун автоунаасынын үстүнө түшүп, зыянга учураткан. Ал эми кырсыктан жабыркаган адам жок. 

Жарандык коргонуу комиссиясы окуя болгон жерге барып, келтирилген зыяндарды тактоодо.