Орусиялык мушкер Руслан Проводников чемпиондугун коргоону Крис Алгиериден баштайт

Орусиялык мушкер, 63,5 килограмм салмакта WBO (Бүткүл дүйнөлүк бокс уюму) версиясы боюнча Дүйнө чемпиону Руслан Проводников чемпиондугун коргоону америкалык Крис Алгиериден баштайт. Бул тууралуу бүгүн, 11-апрелде чет элдик маалымат булактары кабарлады. 

Маалыматка ылайык, беттеш 14-июнда Нью-Йоркто өтөт. Руслан тарап мексикалык мушкер Хуан Мануэль Маркес менен беттешүү боюнча сүйлөшүүлөрдү жүргүзүп, жыйынтык чыгара албаган соң Крис Алгиериге токтолду.

Кошумчалай кетсек, орусиялык мушкер Дүйнө чемпиону наамына 2013-жылдын октябрь айында америкалык Майк Альварадону уткан соң ээ болгон.

Профессионалдык рингде Проводников 25 беттеш өткөрүп, 23үндө жеңишке жетишкен. 2 беттеште жеңилүү ызасын тарткан. Ал эми анын атаандашы Алгиери 19 беттеш өткөрүп, баарында жеңиш ээси болгон.