Кант шаарында "Чүй периси-2012" сулуулар сынагы болуп өттү

Кант шаарында "Чүй периси-2012" аныкталды. Бул тууралуу бүгүн, 27-декабрда аталган иш-чаранын уюштуруучусу Ильяз Жээналиев билдирди. Сынак 21-декабрь күнү Кант шаарында өтүп, анын финалдык бөлүгүнө 14 кыз катышкан. Баш байгени Токмок шаарынын 18 жаштагы тургуну Алия Алибекова жеңип алса, ысык-аталык 18 жаштагы Мадина Сманова "Вице-мисс" аталды. Ал эми экинчи "Вице-мисс" кеминдик Биназир Азаматова, үчүнчү "Вице-мисс" Аламүдүн районунан келген Диана Сабырбекова болду. Мындан сырткары көрүүчүлөрдүн симпатиясына Ысык-Ата районунун сулуусу Кристина Коростелева татыктуу болсо, токмоктук Арина Исакова "Мисс талант" наамына татыды.