Ош. Араван  районунда 14 жыл мурун курулушу башталган медресе пайдаланууга берилди

Ош облусунун Араван районунда Аль Бухари атындагы медресенин ачылышы өтүп, пайдаланууга берилди. Ага Ош облусунун казысы Ниязали ажы Арипов, муфтий Максат ажы Токтомушев,  өкмөттүн облустагы өкүлү Сооронбай Жээнбеков, Араван районунун акими Шамил Артыков  жана жергиликтүү жашоочулар катышты.  

Маалыматка ылайык, медресени куруу иштери  1995-жылы башталып, каражаттын жетишсиздигинен курулуш иштери токтоп калган. Жергиликтүү жашоочулардын каржылык колдоосу менен медресеге 8 миллион сомдон ашуун каражат топтолгон. Медресе 2014-жылдын башында бүткөрүлүп, анда заманбап спорттук аянтча, компьютердик класс жана  тамактануучу жай курулган. Бул тууралуу бүгүн, 14-апрелде муфтияттын басма сөз кызматы билдирди.