Депутаттар ЖКнын жыйынына өкмөт башчы Жантөрө Сатыбалдиевди чакырып, анын экономикалык программасы менен таанышуу керектигин айтышууда

Депутаттар ЖКнын 27-декабрдагы жыйынына өкмөт башчы Жантөрө Сатыбалдиевди чакыруу сунушун айтышууда. Бир катар эл өкүлдөрү 2013-жылга республикалык бюджети каралып жатканда сөзсүз түрдө премьер-министр катышып, айтылган сын-пикирлерди угуш керектигин баса белгилешти. Депутат Чолпон Султанбекова "өкмөт башчы келип, чек ара маселеси боюнча пикирин айтсын" десе, Курманбек Осмонов өкмөт башчынын экономикалык программасы менен таанышып, аны бекитип, анан гана кийинки жылдын бюджетин кабыл алыш керектигин белгиледи.