Акыйкатчы оор жана жеңил кылмыш кылган аялдардын камакта чогуу отурганына каршы

Акыйкатчы Бактыбек Аманбаев оор жана жеңил кылмыш кылган аялдардын камакта чогуу отурганына каршы. Муну ал парламенттин 16-апрелдеги жыйынында айтты. Анын билдиришинче, абакта мындан башка да көйгөйлөр көп.

“Соттолгон аялдар кылмыштарынын оор же жеңил экенине карабай түрмөдө чогуу отурушат. Аялдар отура турган дагы бир абак куруу зарыл”,- деген Аманбаев Акыйкатчы институтунун 2013-жылдагы отчёту мурунку акыйкатчы Турсунбек Акундун тушунда жасалган иштердин жыйынтыгы экенин билдирди.

Депутаттардын суроолорунан кийин Аманбаев “мурунку акыйкатчынын иш жыйынтыгын начар деп айта албайм” деп билдирди.