Равшан Жээнбеков “тарыхта биринчи жолу акыйкатчынын отчётун бийлик сындап жатат” дейт

Жогорку Кеңештин 16-апрелдеги жыйынында депутат Равшан Жээнбеков “мен Бакыт Аманбаевдей акыйкатчы менен сыймыктанам” деди. Анын айтымында, мурункуларга салыштырмалуу азыркы акыйкатчы мыкты иштеп жатат.

“Тарыхта биринчи жолу акыйкатчыны бийлик сындап жатат. Анткени акыйкатчы бийликтин катачылыктарын ачык айтууда. Буга чейин акыйкатчы парламентке келгенде аны бийликтегилердин баары колдочу. Азыр бийлик сындап, оппозиция колдоого алууда. Керек болсо мен Бакыт мырзадай акыйкатчы менен сыймыктанам”,- деп билдирди Жээнбеков. 

Айта кетсек, парламентте акыйкатчы 2013-жылы жасалган иштер боюнча отчёт берди.