17-18-апрелде Асылбек Жээнбеков баштаган делегация Санкт-Петербург шаарында болот

Жогорку Кеңештин төрагасы Асылбек Жээнбеков баштаган делегация 17-18-апрелде Санкт-Петербург шаарында болот. Анда делегация Парламенттер аралык ассамблеясынын, Жамааттык коопсуздук келишим уюмунун Парламенттик ассамблеясынын, Евразиялык экономикалык шериктештигинин Парламенттер аралык ассамблеясынын жыйындарына катышат. Бул тууралуу ЖКнын басма сөз кызматы билдирди.

А.Жээнбеков Санкт-Петербург шаарына жасаган иш сапарынын алкагында делегация башчылары менен эки тараптуу жолугушууларды өткөрөт. Ошондой эле "Евразиялык экономикалык келечек" эл аралык экинчи форумунун ишине катышат.