Ош. Салыктык жоопкерчилик убагында сакталбаса, административдик чаралар көрүлөрүн эскертет

Мамлекеттик салык кызматынын Ош шаары боюнча башкармалыгы салык төлөөчүлөрүнө КРнын Өкмөтүнүн алдындагы Мамлекеттик салык кызматынын ушул жылдын 19-марттагы №53-буйругунун негизинде, 30-апрелге чейин “Салык төлөөчүлөрдү каттоо жана издөө” аттуу 1 айлык чара өткөрөрүн билдирет. Бул тууралуу бүгүн, 16-апрелде аталган мекеменин өкүлү Асылбек Абдрай уулу билдирди.

Анда шаар тургундарына ушул күндөрдө “Салык төлөөчүлөрдү каттоо жана издөө” айлыгы өтүп жаткандыгын эскертип, 1, 2, 3, 4-тайпадагы мүлк салыктарын жана бардык ишмердүүлүктү жүргүзүүдө каттоодон өтпөгөн салык төлөөчүлөрдү Салык кодексинин талаптарына ылайык өз учурунда каттоодон өтүүнү жана салыкты убагында төлөп турууну суранат. Салыктык жоопкерчилик убагында сакталбаса, административдик чаралар көрүлөт.