Ош. Мэриянын ишеним телефону кайрадан иштей баштады

Ош шаарынын мэриясында убактылуу токтоп турган ишеним телефону кайрадан иштей баштады. Бул тууралуу бүгүн, 17-апрелде мэриянын басма сөз кызматы билдирди.

Маалым болгондой, шаардын социалдык-экономикалык маселелери, мекемелердин жана уюмдардын иш алып баруусу боюнча сын-пикирлер жана сунуштарды ишеним телефону аркылуу билдирсе болот. Ошондой эле жалпы шаар чарбасынын жана кызмат адамдарынын ишмердигине, коррупциялык көрүнүштөрдүн фактыларына байланышкан суроолор менен (03222) 5-50-75 номуру аркылуу кайрылса болот.