Аида Салянова: “Азиз Батукаев боюнча кылмыш иши кайра жанданды”

Парламенттин 17-апрелдеги жыйынында башкы прокурор Аида Салянова “мыйзамдагы ууру” Азиз Батукаевдин иши боюнча кылмыш иши кайра жанданганын билдирди. Айтымында, ишти жандантууга Батукаевдин тирүү экени боюнча оперативдик маалыматтар себеп болду. 

“Бул маселени парламент былтыр май айында карады. Июнда бизге материалдар келип түшүп, экспертиза дайындадык. Экспертизадан “Батукаевдин канынын бөлүгү болмоюнча корутунду бере албайбыз” деген жооп келди. Июнда иш козгодук, УКМКнын иштери чоң текшерүү жүргүздү. Апрель айында тергөөнүн жыйынтыгына таянып, кийин белгилүү болгон материалдарды негиз кылып атайын өндүрүш ачтык. Сот органдарына кайрылдык”,- деп билдирди Салянова. 

Айта кетсек, парламентте башкы прокурор 2013-жыл боюнча отчёт берүүдө.