Салык кызматынын жетекчисинин милдетин аткаруучу Замирбек Осмонов салык органдарынын жетекчилерине сөгүш берди (тизме)

Мамлекеттик салык кызматынын төрагасынын милдетин аткаруучу Замирбек Осмонов 2014-жылдын март жана февраль айларында салык чогултуу боюнча божомолдоо көрсөткүчтөрүн аткарбагандыгы үчүн Cалык кызматынын органдарынын бир катар жетекчилерине сөгүш берди. Замирбек Осмонов 8 жетекчиге жана орун басарларына сөгүш жарыялады. Андан сырткары 4 кызматкерге сөгүш берсе, 39 кызматкерге эскертүү берилди.

Сөгүш алган жетекчилердин тизмеси төмөнкүдөй жарыяланды:

1. Менсулин Абылгазиев - Мамлекеттик салык кызматынын (МСК) СЭЗ субъектилерин көзөмөлдөө боюнча башкармалыгынын жетекчиси;

2. Каныбек Момуналиев - МСКнын ири салык төлөөчүлөрдү көзөмөлдөө башкармалыгынын жетекчиси;

3. Кылычбек Жаныкулов - МСКнын Бишкек шаары боюнча башкармалыгынын жетекчиси;

4. Акылбек Каримов - МСКнын Бишкек шаары боюнча башкармалык жетекчисинин орун басары;

5. Бакытбек Садиров - МСКнын Бишкек шаарынын Ленин району боюнча башкармалыгынын жетекчиси;

6. Гүлбара Арыкбаева - МСКнын Бишкек шаарынын Биринчи Май району боюнча башкармалык жетекчисинин орун басары;

7. Чолпон Кеңешова - МСКнын Бишкек шаарынын Октябрь району боюнча башкармалык жетекчисинин орун басары;

8. Максатбек Исмаилов - МСКнын Жалал-Абад облусунун Ала-Бука райондук башкармалыгынын жетекчиси.