Ош. Шаарга Жаштар үйүн ачуу сунушталууда

Бүгүн, 18-апрелде Ош мамлекеттик университетинде Ош шаарын 2014-2017-жылдарда өнүктүрүү программасынын долбоору боюнча коомдук талкуу өттү. Анда мэриянын алдындагы Жаштар комитетинин төрагасы Эрнис Кулназаров өз сунуштарын айтты.

"Кароосуз калган “Мээрим” эс алуу багын "Сүйүү багы" деп атап, ал жерди бардык никеге турууну каалаган жаштар бара турган жайга айлантсак, ар кайсы эстеликтердин жанына барып, үйлөнүү үлпөтүнүн урматына арак-шарап ичкен жаштар ошол жерге барышмак. Көпчүлүк жаштардын глобалдуу көйгөйү - үй маселеси. Биздин сунуш - Жаштар үйүн ачуу. Азыркы жаштар негизинен эки эле багытта жүрүшөт: окуу, анан үй. Алардын башын бириктирип, жакшы ой-пикирлерин ишке ашыруу үчүн Жаштар үйүн ачсак деген ойдобуз",- деди Кулназаров.