Алмазбек Атамбаев Улуу Жеңиштин 69 жылдыгын белгилөө тууралуу жарлык чыгарды

Мамлекет башчы Алмазбек Атамбаев бүгүн, 21-апрелде Улуу Ата Мекендик согуштагы жеңиштин 69 жылдыгына карата майрамдык иш-чараларды өткөрүү тууралуу жарлык чыгарды. Ага ылайык, өкмөткө Улуу Жеңиштин урматына өткөрүлчү иш-чаралардын планын иштеп чыгуу тапшырмасы берилди. Өкмөт майрамдык салтанаттардын каржы жана уюштуруу маселелерин чечип, майрамдык кечелердин жогорку деңгээлде өтүшүнө кам көрө турганын президенттик аппараттын маалыматтык-саясат бөлүмү билдирет.