Кудайберген Базарбаев гендердик саясат боюнча жаңы мыйзам долбоору иштелип чыкканын айтты

Бүгүн, 22-апрелде мамлекеттик резиденцияда Социалдык өнүктүрүү министрлигинин катышуусунда Пекин декларациясын жана иш-аракеттер платформасын аткаруу алкагындагы КРнын аналитикалык долбоору боюнча кеңешме өтүп жатат. Социалдык өнүктүрүү министри Кудайберген Базарбаев бүгүнкү кеңешмени ачып жатып аталган платформа 2015-жылы 20 жылдыгын белгилээрин айтты.  

“Гендердик саясат боюнча жаңы чаралар кабыл алынды. Биз бул боюнча жаңы мыйзам долбоорун иштеп чыктык. “Пекин+20” 2015-жылы 20 жылдыгын белгилейт. Кыргызстан бул платформанын жактаарын жана чече турганын билдирди. Ага учурда даярдыктар болуп жатат”,- деди Базарбаев. 

Кеңешмеге мамлекеттик жана башка эл аралык уюмдардын өкүлдөрү катышууда.