Жогорку Кеңеште чиновниктердин чет өлкөдөн банктык эсеп ачуусуна тыюу салуу демилгеленүүдө

Парламент депутаты Исмаил Исаков саясатчылардын жана жооптуу кызматкерлердин чет өлкөдөн эсеп ачышына, кыймылдуу мүлк сатып алышына тыюу салууну демилгелеп жатат. Тийиштүү мыйзам долбоору бүгүн, 22-апрелде ЖКнын Экономикалык жана фискалдык саясат комитетинин жыйынында каралды.

“Ата-бабаларыбыз “эгер мамлекет башчысы өлкөнүн сыртына ордо курса, качууга даярданып жатат” деп айтып келишкен” деген депутат бул мыйзам иштеш үчүн 6 мыйзамга өзгөртүү киргизүү керектигин белгиледи.

Депутаттар бул мыйзам долбоорунун иштеши кыйын экенин айтышууда.