Бүгүн Бишкекте жаш активисттер экологияны сактоого арналган флешмоб уюштурушту (фоторепортаж)

Жердин күнү майрамынын белгиси

Катышуучулар иш-чарага кызыктуу сүрөттөрдү даярдап келишти.

Флешмобдун катышуучулары жарандарга кол менен жасалган буюмдарды белек катары тартуулашты.

Табиятты сактоого чакырган флешмобдун катышуучулары сүрөткө түшүп жатышат.

Флешмобдун катышуучулары өткөн-кеткен жаштар менен сүйлөшүүлөрдү жүргүзүштү.

Флешмобдун жүрүшүнөн...

Активисттер тартып келген сүрөттөр.

Флешмоб "Ала-Тоо" аянтында да өттү.

Флешмобдун жүрүшүнөн...

Активисттер жаштар менен маек куруп, чакырык жасап жатышты.

"Жердин күнү" саамалыгынын катышуучулары атайын сары түстөгү футболкаларды кийип келишти.

Флешмобдун жүрүшүнө кызыгып келгендерге сүрөттөр түшүрүлгөн брошюралар берилди.

Активисттер ары кызыктуу, ары терең маанилүү сүрөттү тартып келишти.

Активисттер колдо жасалган брошюраларды даярдап келип жарандарга таратышты.

"Жер күнү" иш-чарасы "Ала-Тоо" аянтында

Активисттердин эмгегинен жаралган сүрөттөр.

"Жердин күнү" флешмобу бий менен коштолду.

Бүгүн, 22-апрелде Бишкекте жаш активисттер "Жердин күнү" ("День земли") аталышындагы экологияны сактоого арналган флешмоб уюштурушту. Иш-чара "Ала-Тоо" борбордук аянтында жана К.Баялинов атындагы китепканада өттү.

Уюштуруучулардын айтымында, бүгүн, 22-апрелде бүткүл дүйнөдө Жердин күнүнө арналган ар түрдүү акциялар өтөт. "Биздин негизги максатыбыз - Жердин тургундарынын көңүлүн экологиялык маселеге буруу. Бүгүнкү иш-чарабызга Бишкектеги жогорку окуу жайлардын студенттери жана активисттер катышты. Алар кызыктуу сүрөттөрдү тартып, элге сунушташты",- дешет уюштуруучулар.