Акыйкатчынын 2013-жыл боюнча отчётун тийиштүү комитет жактырган жок

Акыйкатчынын 2013-жыл боюнча отчётун ЖКнын Адам укуктары, конституциялык мыйзамдар жана мамлекеттик түзүлүш комитети жактырган жок. Мындай чечим комитеттин 22-апрелдеги жыйынында кабыл алынды. Айта кетсек, акыйкатчы Бактыбек Аманбаев өткөн аптада парламент жыйынында баяндама жасап жатып “бул отчёттогу иштер мурунку акыйкатчынын тушунда жасалган иштер” деп билдирген эле. Анда акыйкатчы адам укуктарын коргоо боюнча тыгыз иштешпей жатканын айтып, Башкы прокуратураны кескин сынга алган.