Жогорку Кеңеш премьер-министр Жоомарт Оторбаевдин отчётун 30-апрелде угат

Премьер-министр Жоомарт Оторбаевдин Жогорку Кеңеште 2013-жыл үчүн отчёт бериши 30-апрелге пландалууда. Муну парламенттин 23-апрелдеги жыйынында төрага Асылбек Жээнбеков айтты. “Регламент боюнча өкмөт башчы 1-майга чейин отчёт бериши шарт. Бирок өкмөт жөнүндө мыйзамда отчётту15-майга чейинки аралыкта берсе болору жазылган. 1-2-күндөрү комитеттерде каралат, даяр болуп калса, 30-апрелде жыйында карайбыз. Болбосо 15-майга чейин убакыт бар”,- деди төрага.