Кочкордо жарандарга мыйзамсыз паспорт берүү фактысы аныкталды

Кочкор райондук прокуратурасы жана райондук УКМК бөлүмү тарабынан жүргүзүлгөн текшерүүнүн натыйжасында жарандарга мыйзамсыз паспортторду берген адамдар аныкталды. Бул тууралуу Башкы прокуратуранын басма сөз кызматы бүгүн, 24-апрелде билдирди. 

Белгилүү болгондой, Кочкор райондук паспорт-виза жана каттоо иштери бөлүмүнүн башчысы М.С., жарандык ал-абалдын актыларын жазуу бөлүмүнүн (ЗАГС) жетекчиси Д.З. жана аймактык милиция кызматкери Ж.У. менен биргеликте расмий документтерге жалган маалыматтарды киргизүү менен 2012-жылы мыйзамсыз паспортторду ошол кезде Орусияда иштеп жүргөн жарандарга даярдап беришкен. Аталган кылмыш иши боюнча Нарын облустук прокуратурасы тарабынан тергөө иштери жүргүзүлүүдө.