Жогорку Кеңеш түштөн кийин өлкө түштүгүнүн газсыз калышын талкуулайт

Жогорку Кеңеште бүгүн, 24-апрелде Кыргызстандын түштүгүнө газ берүүнүн токтотулушу талкууланат. Маселе саат 14:00дө карала турганын төрага Асылбек Жээнбеков билдирди. Айтымында, депутаттардын суроолоруна “Кыргызгаздын” башчысы Тургунбек Кулмурзаев жооп берет. Депутаттар Ош шаарындагы көп кабаттуу үйлөрдүн жашоочулары сыртка кемеге даярдап, тамак жасап жатканын айтышты.

Дастан Бекешев “Кулмурзаев 2-3-күндөрү газ бериле турганын айткан. Бүгүн бейшемби, дагы деле бериле элек” деп билдирген болчу.