Кара-Суу районунда жол кырсыгынан 4 адам каза болду

ИИМдин басма сөз кызматы билдиргендей, Ош облусунун Кара-Суу районунда жол кырсыгынан 4 адам каза болду. Маалыматка ылайык, 31-декабрь күнү саат 01:30дар чамасында Бишкек-Ош жолунун 635-чакырымында, тактап айтканда, Кара-Суу районуна караштуу Жаңы-Арык айылында жүк ташуучу Вольво унаасы менен Мерседес үлгүсүндөгү кичи автобус сүзүшкөн. Алдын ала маалыматтар боюнча күнөө Вольво унаасынын айдоочусунан кеткендиги айтылууда жана ал окуядан кийин из жашырган. Кырсыктан кичи автобуста бара жаткан 4 адам каза болуп, 13 жүргүнчү Өзгөн райондук ооруканасына жеткирилген. Окуя боюнча кылмыш иши козголду. Каза болгондор: Абдималик Мусаев (1956-жылы туулган) жана анын аялы Хадичахан Тилекбаева (1956-жылы туулган, Өзгөндүн Куршаб айылынын тургундары), Эдил Култаев (1987-жылы туулган) жана анын аялы Турсунай Кенжекозуева (1988-жылы туулган, Кара-Кулжа районунун Жетим-Дөбө айылынын тургундары).