“Кыргыз тилин өнүктүрүүнү ымыркайларга кыргызча аттарды коюудан башташ керек” дейт жаш активист Перизат Даткаева

“Кыргыз тилин өнүктүрүүнү ымыркайларга кыргызча аттарды коюудан башташ керек”,- деп айтты бүгүн, 24-апрелде кыргыз тилине арналган тегерек столдун жүрүшүндө жаш активист Перизат Даткаева.

Анын айтымында, КРнын мамлекеттик тили боюнча көп сөздөр айтылат. Бирок сөз менен иштин айкалышканы аз көрүнөт. “Биздин жаштар өз өлкөсү үчүн күйөрүн айтып келишет. Айрымдары гана айткан сөзүнө бекем турушат. Мисалы, менин бул багытта көптөгөн сунуштарым жана пландарым бар. Маселен, кыргыз улутундагы ымыркайларга нукура кыргыз аттарды берүү эң туура деп ойлойм. Анткени Кыргызстанда наристелерге батыштагы өлкөлөрдөгү ысымдарды коюу модага айланды”,- деди активист.