Эльвира Сариева: "Калкты бирдиктүү мамлекеттик каттоо келерки жылдагы шайлоодо гана керек эмес"

Кыргыз Республикасын туруктуу өнүктүрүү боюнча Улуттук кеңештин отурумунда вице-премьер-министр Эльвира Сариева 25-апрелде "калкты бирдиктүү мамлекеттик каттоо келерки жылдагы шайлоодо гана керек эмес" деп билдирди.

Вице-премьер-министр белгилегендей, учурда Кыргызстанда социалдык тармакты өнүктүрүүнү болжолдоп, мерчемдөөгө мүмкүнчүлүк түзгүдөй бирдиктүү маалымат базасы жок.

“Аталган систем пенсия, жөлөк пулдардын төлөмүнөн тарта билим берүү, саламаттык сактоо тармактарынын интеграцияланган маалыматтарына чейинки өлкөнүн социалдык тармагын өнүктүрүүнүн маалымат базасын оптималдоого мүмкүнчүлүк берет”,- деди Эльвира Сариева.