Каталондук “Барселонанын” мурунку машыктыруучусу Тито Виланова көз жумду

"Барселонанын" оюнчулары рак оорусу менен күрөшүп жүргөн машыктыруучуну колдоп, боорлоруна ага арналган жазуулар бар футболкаларды кийип майданган чыгышкан.

Тито 2003-жылы машыктыруучулук менен алектене баштаган.

Хосеп Гвардиола "Барселона" менен келишимин бузуп, машыктыруучулук кызматты Тито Вилановага таштап кеткен.

2013-жыл. Тито Виланова командада рак оорусу менен күрөшүп келген Эрик Абидаль менен биргеликте чемпиондук наамды белгилеп жатышат.

Каталондук “Барселона” футболдук клубунун мурунку башкы машыктыруучусу, акыркы жылдары рак оорусу менен күрөшүп келген Тито Виланова 45 жаш курагында көз жумду. Бул тууралуу кечээ, 25-апрелде чет элдик басылмалар жазып чыгышты.

Маалыматка ылайык, ал кезектеги операциядан кийин каза болгон. Операцияга чейин ал ооруканада жакындары жана достору менен жолуккан. Жалпысынан ал буга чейин 2 операцияны башынан өткөргөнү маалымдалып келген.

“Барселонада” ал 2012-2013-сезонунда башкы машыктыруучу катары эмгектенген. 2013-жылы жай айында ден соолугуна байланыштуу кызматын таштоого мажбур болгон. 2008-2012-жылдар аралыгында Тито Виланова белгилүү машыктыруучу Хосеп Гвардиоланын жардамчысы катары эмгектенген.