Ошто “Үй-бүлө – мамлекеттин тиреги” аттуу республикалык илимий-практикалык конференция өттү

Ош мамлекеттик социалдык университетинде 24-апрелде Мамлекеттүүлүктү бекемдөө жылына карата “Үй-бүлө – мамлекеттин тиреги” аттуу республикалык илимий-практикалык конференция болуп өттү. Бул тууралуу бүгүн, 27-апрелде аталган окуу жайдын басма сөз катчысы Арген Нуров билдирди.

Конференциянын максаты - 2014-жыл - Мамлекеттүлүктүү бекемдөө жылы деп жарыялангандыгынын негизинде үй-бүлөнү бекемдөөдөгү актуалдуу көйгөйлөрдү чечүүнүн жолдорун илимий жактан негиздөө.

Ага Жогорку Кеңештин депутаты Элмурат Обдунов, “Диалог Евразия” платформасынын Кыргыз улуттук кеңешинин төрагасы Асан Ормушев, Кыргыз улуттук университетинин профессору Рахат Ачылова жана 100дөн ашуун белгилүү окумуштуулар, облустук жана жергиликтүү бийликтердин өкүлдөрү, бейөкмөт уюмдардын өкүлдөрү, көз карандысыз эксперттер катышышты.