Кыргызстандын Бажы биримдигине кириши боюнча 13-майда парламенттик угуу өтөт

Кыргызстандын Бажы биримдигине кириши: пайдасы жана зыяны тууралуу 13-майда парламенттик угуу өтөт. Муну бүгүн, 28-апрелде ЖКнын маалымат кызматы билдирди. Ага парламент депутаттары, өкмөт мүчөлөрү, тийиштүү мекеме жетекчилери, эксперттер жана башкалар катышат. Айта кетсек, парламенттик угуу буга чейин 29-апрелге белгиленген. Бирок бул күнү премьер-министр Жоомарт Оторбаев ушул маселе боюнча Орусияга барышына байланыштуу артка жылдырылган эле.