Кыргызстанда 2013-жылы коррупция боюнча кылмыш иштеринин 84 пайызын прокуратура козгогон

Кыргызстанда 2013-жылы Улуттук коопсуздук мамлекеттик комитети коррупция боюнча 74 кылмыш ишин козгогон. Муну бүгүн, 28-апрелде парламенттин Коррупцияга каршы күрөшүү комитетинин жыйынында вице-премьер-министр Абдырахман Маматалиев билдирди. Анын билдиришинче, коррупциялык фактылар боюнча кылмыштардын 84,6 пайызын прокуратура органдары козгогон. “Башкы прокуратуранын маалыматы боюнча, коррупциялык кылмыштардын келтирген зыяны 876 миллион 457 миң сом”,- деп билдирди Маматалиев.