Футзал боюнча Казакстандын ачык чемпиондугуна катышып жаткан кыргызстандык "Дордой" Бишкекте мелдештин лидери "Кайратты" кабыл алат

Футзал боюнча Казакстандын ачык чемпиондугуна катышып жаткан бишкектик “Дордой” кезектеги беттештерин 11-12-январда өткөрөт. Мекендештерибизге мелдештин көч башчысы - казакстандык “Кайрат” командасы каршы турат. Оюндар Бишкектеги Кожомкул атындагы Спорт Ордосунда орун алмакчы. 11-январдагы оюндун башталышы 16:00дө болсо, 12-январдагы оюнду 14:00дө баштоо пландаштырылган. Эске салсак, 18-турдан кийин “Кайрат” 52 упайы менен 1-орунду камсыздап турса, “дордойчулар” 16 упай менен 8-орунда баратышат.