Ош, Жалал-Абад жана Баткенге заманбап үлгүдөгү төрөт үйлөрү курула турганы айтылды

Ош, Жалал-Абад жана Баткен облусуна заманбап үлгүдөгү төрөт үйлөрү курулат. Муну бүгүн, 29-апрелде парламенттин Социалдык саясат комитетинин жыйынында саламаттыкты сактоо министри Динара Сагынбаева билдирди. Айтымында, бул ооруканалар үчүн Эл аралык өнүктүрүү ассоциациясынан насыя алынууда. 

“Быйыл 30-июнга чейин документ иштери бүтсө, курулуш иштери сентябрь айында башталат. Каражатка кымбат баалуу медициналык жабдуулар алынат, мунун ичинде 2 миллион долларлык жабдуу да бар. Акчанын 13 пайызы консультациялык кызматтар үчүн сарпталат”,- деди министр.