ӨКМ: "Бишкектеги Ала-Арча дарыясын кардан тазалоо иштери улантылып жатат"

КРнын Өзгөчө кырдаалдар министрлиги жашоочулардын коопсуздугун камсыз кылуу үчүн Бишкектеги Ала-Арча суусунун нугун кардан жана муздан тазалоо иштерин улантууда. Бул тууралуу аталган министрликтин басма сөз кызматы билдирди. 5-6-январда "Бишкексууканал", Шаардык архитектура башкармалыгынан жана "Жашылдандыруу" ишканаларынан 3 экскаватор жана 25 жумушчу каналдын Малдыбаев көчөсү менен кесилишкен жеринде иш жүргүзүшкөн. Ушундай эле жумуш бүгүн, 7-январда да улантылды.