Жогорку Кеңештин комитети өкмөттүн 2013-жылдагы отчёту боюнча чечим кабыл алууну кийинкиге калтырды

Бүгүн, 29-апрелде Жогорку Кеңештин Социалдык саясат комитети 2013-жылдагы өкмөттүн отчёту тууралуу чечимди кийинки отурумга калтырды.

Жыйында өкмөт мүчөлөрүнө парламент тарабынан берилген тапшырмалар аткарылбай жатканы айтылды.

Комитет төрайымы Дамира Ниязалиева: “Мен өкмөткө кургак учуктун күч алганын айтып, аны көзөмөлдөө боюнча тапшырма бергем. Бирок өкмөттөн ага карата бир да жооп болбой жатат”,- деди. 

Жыйынга депутаттардын суроолоруна өкмөт мүчөлөрү: вице-премьер-министр Эльвира Сариева, социалдык өнүктүрүү министри Кудайберген Базарбаев, эмгек, миграция жана жаштар министри Алиясбек Алымкулов, саламаттыкты сактоо министри Динара Сагынбаева жооп берди.