"Кыргызгидромет" 8-январда Кыргызстанда аба ырайы ачык болорун маалымдайт

Эртең, 8-январда Кыргызстанда жаан-чачын күтүлбөй, аба ырайы ачык боло турганын "Кыргызгидромет" маалымдады. Эртең абанын температурасы Чүй облусунда түнкүсүн -4 -9° С, күндүзү +6 +11° С, Таласта түнкүсүн -10 -15° С, күндүзү +4 +9° С, Баткенде түнкүсүн -4 -9° С, күндүзү +5 +10° С, Ош, Жалал-Абад облустарында түнкүсүн -5 -10° С, күндүзү +2 +7° С,  Ысык-Көл облусунда түнкүсүн -7 -12° С, күндүзү -1 +4° С, Нарында түнкүсүн -22 -27° С, күндүзү -8 -13° С болушу күтүлөт. Ал эми Бишкекте түнкүсүн -6 -8° С, күндүзү +8 +10° С болмокчу.