Бишкектеги 16 миң балага ылайыкташкан балдар бакчасында 25-30 миңге жакын бала тарбияланууда

Бишкектин бала бакчалары 16-17 миң балага ылайыкташкан, бирок ал жакта 25-30 миңге чейин бала тарбияланууда. Бул тууралуу бүгүн, 30-апрелде борбордун биринчи вице-мэри Мурат Исмаилов маалымат жыйынында билдирди.

"Балдар бакчаларында бош орундар жетишпегени - көп кырдуу көйгөй. Бул тууралуу маселе мэрияда жана шаардык кеңеште талкууланат. Ошондой эле Саламаттыкты сактоо, Билим берүү жана илим министрликтери жана бала бакчалар республикалык бюджеттин эсебине өтүү тууралуу маселе да каралат",- дейт Исмаилов.  

Ал учурда 30 миңге жакын баланы бала бакчага орноштуруу муктаждыгы бар экенин айтты.