Парламент: Жалданма эне болууга уруксат берилген жаш куракты 35тен 40 жашка көтөрүү сунушталууда

Парламентте бүгүн, 30-апрелде “Жарандардын тукум улоо укуктары жана аларды ишке ашыруунун кепилдиктери” тууралуу мыйзам долбоору кызуу талкуу жаратууда. Мыйзам долбоорундагы “жалданма энелик” ыкмасын колдонууга каршылар көп болууда. Мыйзам долбоорунун демилгечилеринин бири Дамира Ниязалиева буларды билдирди:

“Мыйзамда жалданма энелик кылууга 35 жашка чейинки айымдарга уруксат берилген. Биз муну 40 жаш деп өзгөртүүнү сунуштап жатабыз. Атайын келишим түзүлүп, жалданма энелик кылуучу үчүн жумшала турган акча, тараптардын укук-милдеттери көрсөтүлмөкчү”,- деди депутат.