Токмок шаарындагы айланма жолдо жол кырсыгынан 1 аял жабыр тартты

2012-жылдын 31-декабрында болжол менен саат 13:45 чамасында Бишкек-Торугарт унаа жолунун 56-чакырымында Токмок шаарына жакын жердеги айланма жолдо кара түстөгү Хонда Степвагон үлгүсүндөгү автоунаа жолдон чыгып кеткен. Жол кырсыгынан Аламүдүн районуна караштуу Ак-Босого айылынын тургуну, 40 жаштагы О.А. аттуу аял жабыркап, Токмок шаарынын аймактык ооруканасына кайрылган. Дарыгердин текшерүүсүнөн кийин ал ооруканага жатуудан баш тарткан. Бул факт боюнча 2013-жылдын 1-январында Токмок ШИИБинин тергөө бөлүмү тарабынан КРнын Кылмыш жана жаза кодексинин 281-беренеси (Транспорт каражаттарынын кыймыл жана пайдалануу коопсуздугунун эрежелерин бузуу) боюнча кылмыш иши козголуп, иликтөө жүрүп жатат. Бул тууралуу Чүй ОИИБинин маалымат кызматы билдирди.