"Кыргызгаздын" жетекчиси: "Карыз маселесин чечпесек, Кыргызстанга газ берүү чектелиши мүмкүн"

Бүгүн, 8-январда Энергетика жана өнөр жай министрлигинде өткөн отурумда "Кыргызгаз" ишканасынын жетекчиси Тургунбек Кулмурзаев өлкөгө газ берүү иши туруктуу жүрүп жатканын, бирок кырдаал өзгөрүп кетиши да мүмкүн экенин билдирди. Анын айтымында, Кыргызстан газ боюнча "КазТрансГаз" ишканасына 2,5 миллион доллар, "УзТрансГазга" 1,4 миллион доллар карыз. Айдын аягында карыз бир кыйла көбөйөт. Эгер бул маселени чечпесе, анда Кыргызстанга газ берүүдө чектөө болушу мүмкүн.