Ош. Кара-Сууда элге турак жай куруу үчүн жер тилкелерин бөлүп берүү боюнча жер-жерлерде жыйын өттү

Кара-Суу районунун акими Тилек Матраимовдун катышуусунда Жоош, Сарай, Катта-Талдык, Шарк, Кашкар-Кыштак, Жаңы-Арык, Нариман, Сары-Колот, Ак-Таш айылдык аймактарында жыйын өттү. Ага райондук мекеме-ишканалардын, айыл өкмөтүнүн аппарат кызматкерлери, айыл активдери, дыйкан-фермердик чарбалардын башчылары, айылдык кеңештин депутаттары катышышты. Бул тууралуу бүгүн, 3-майда район администрациясынын басма сөз кызматы билдирди.

Анда каралган маселелер элге турак жай куруу үчүн жер тилкелерин бөлүп берүү, жаңы чектерди электр энергия, таза суу менен камсыз кылуу, балдар бакчаларын куруу, пенсия, жөлөк пулду өз убагында берүү болду. Жыйында эл тарабынан айтылган көйгөйлүү маселелерди чечүү боюнча иш-чаралар түзүлүп, жетекчилерге райондун акими тарабынан тапшырмалар берилди.