Эл аралык издөөдө жүргөн чет элдик жаран Кыргызстанда жасалма документтер менен кармалды

УКМКнын Коррупцияга каршы кызматы тарабынан жасалма документтер менен жүргөн чет элдик жаран кармалды. Бул тууралуу бүгүн, 6-майда УКМКнын басма сөз кызматы билдирди.

Кармалган чет элдик К.И.А. аттуу жаран эл аралык издөөгө алынгандыгы белгилүү болду. Мыйзамга ылайык, аталган жаран камакка алынган.

Ошондой эле КРнын Өкмөтүнө караштуу Айдоочулук түзүмдү жана унаа каражаттарын каттоого алуу департаментинин Ысык-Ата райондук бөлүмүнүн айрым кызматкерлери тарабынан жогоруда айтылган чет элдик жаранга мыйзамсыз түрдө айдоочулук күбөлүк берилгендиги ачыкталды. Бул факт боюнча аталган департаменттин кээ бир кызматкерлерине "жасалма документтерди даярдоо жана кызмат абалынан кыянаттык менен пайдалануу" деген берене менен кылмыш иши козголду. Иликтөө уланууда.