Жалал-Абадда алыш күрөшү боюнча мелдеш өткөрүлдү

5-майда Жалал-Абад шаарындагы "Жеңиш" сейил багында улуттук алыш күрөшү боюнча мелдеш өткөрүлдү. Ага өкмөттүн Жалал-Абад облусундагы ыйгарым укуктуу өкүлү Жусупжан Жээнбеков, улуттук күрөштүн ардагерлери, район акимдери, шаарлардын мэрлери жана облустун ар аймагынан келген балбандар катышты. Бул тууралуу бүгүн, 6-майда өкүлчүлүктүн басма сөз кызматы билдирди.

Мелдештин ачылышында Жусупжан Жээнбеков сөз сүйлөп, алыш күрөшүнүн тарыхына токтолуп, спорттун бул түрүнүн түптөлүшү жана эл аралык статуска ээ болушуна Баяман Эркинбаевдин салымы зор экенин белгиледи. Ошону менен катар спорттун ардагерлерине белектер тапшырылды.

Айта кетсек, мелдеш Мамлекеттүүлүктү бекемдөө жылына карата уюштурулду.