Аламүдүн районунда адам өлтүрүүгө шектелип 48 жаштагы жаран кармалды

Аламүдүн районунда 48 жаштагы жаран адам өлтүрүүгө шектүү катары кармалды. Бул тууралу Бишкек шаардык ИИББнин басма сөз кызматы билдирди. 30-декабрь күнү милицияга аталган райондук Таш-Дөбө айылынын Школьная көчөсүндөгү №96-үйдүн кожоюну өлтүрүлгөндүгү боюнча маалымат келип түшкөн. Аламүдүн РИИБнин ыкчам иликтөө тобунун кызматкерлери каза болгон жаран 1955-жылы туулган  В.Н.Д. экендигин аныкташып, окуя орун алган жерден кан болгон бычак, сынган чайнек табылган. Көп өтпөй кылмышка шектүү катары 1964-жылы туулган Таш-Дөбө айылынын тургуну Н.Ж. кармалды. Учурда бул иш боюнча кылмыш иши козголуп, тергөө уланууда.