Алматыдагы мейманканалардын биринде сойкулук максатта күч менен кармалган кыргыз кыздары бошотулду

31-октябрда Алматы шаарындагы КРнын Генералдык өкүлчүлүгүнүн кызматкерлери Казакстандын укук коргоо кызматкерлери менен биргеликте сексуалдык кулчулукта жүргөн кыргыз кыздарын бошотушту. Кыргызстандын жараны 1993-жылкы А. жана жашы жете элек 1997-жылкы Бнын шаардагы жеке мейманканалардын биринде күч менен кармалып жаткандыгы маалым болду. Бул факты боюнча Казакстандын мыйзамдарынын негизинде киши сатуу, кулчулук жана сексуалдык эксплуатациялоо боюнча кылмыш иши козголду. Кыздар тиешелүү текшерүүдөн өтөр замат Кыргызстанга жиберилмекчи. КРнын Алматыдагы Генералдык өкүлчүлүгүнүн маалыматына таянсак, Кыргызстандан аталган коңшу өлкөгө мыйзамсыз түрдө сойкулук максатта кыздарды жеткирип берүүчү кылмыштык схемасынын бети ачылууда.